Тывада «Чаш назынның навигаторлары» федералдыг төлевилелди боттандырар регионалдыг курлавыр төвү «Тёплая Zима для Героя» II ачы-дуза акциязын чарлап турар. Акцияга киржир күзелдиглер тускай шериг операциязының киржикчилеринге чылыг идик-хепти эки тура-биле чыырынга киржир.
   «Тёплая Zима для Героя» ачы-дуза акциязы ноябрь 1-ден 30-ге чедир болур. Бо үе дургузунда школаларга болгаш техникумнарга чылыг идик-хеп (уктар, хол хаптары, бөрттер, моюн-ораарлар, термобелье дээш оон-даа өске) чыылдазының пунктулары ажыттынар.
   Идик-хеп чыылдазының волонтёрлары кылдыр школаларның болгаш ортумак өөредилге черлериниң директорларының чөвүлекчилери ажылдаар. Кызыл хоорайга дараазында адреске пунктуну ажыдар: Московская кудумчузу, бажың 44, харылзажыр телефону: +79527528637 (Сергей Лопсан).
   Ажылдаар шактары: ноябрь 30-ге чедир 09.00-18.00 шак.