Кызыл хоорайның 17 дугаар «Салгал» уруглар садында «Мерзе» шыдыраа клуву ажыттынган. Тываның өөредилге сайыдының хүлээлгезин күүседип турар Ренат Ооржак клубка шыдыраа комплектилерин белекке бергеш, бичии шыдыраачыларга өөредиглиг кичээлди эрттирген. «Хөглүгбейлер» бөлүүнүң кижизиттирикчизи Сайын Торе Ренат Чадамбаевич-биле бир партияны дидими-биле ойнаан. Ооң шыңгыы көрүжүн регионнуң өөредилге яамызының удуртукчузу кичээнгейге алган.

«Тываның Баштыңы Владислав Ховалыгның грант деткимчези-биле «Уруглар садтарынга - шыдыраа» төлевилели боттанып эгелээн. Төлевилел езугаар «Хээлер» уруглар садынга клуб ажыдары-биле, шыдыраа комплектизин чаштарга дамчыттым. Шыдыраа – чүгле уругларга өөрүшкүнү сөңнээр оюн эвес, а угаан-медерел сайзырадыр үре-түңнелдиг арга болур» - деп, Ренат Ооржак демдеглээн.

Ооң мурнунда Чадаана хоорайда «Хээлер» уруглар садынга бичии шыдыраачыларның клуву ажыттынганын сагындыраал. Аңаа яамының удуртукчузу уругларга солун болгаш өөредиглиг кичээлди эрттирген.
«Уруглар садтарынга – шыдыраа» төлевилел езугаар Тываның 10 школа назыны четпээннерниң албан черлерин дериг-херекселдер-биле чүмнээри көрдүнген.