Силерге чаа чылдың дыштаныр хүннерин өг-бүлеңер, эш-өөрүңер аразынга эп-найыралдыг эрттирерин күзээр-дир бис. Шуптуңарга аас-кежикти, чаагай чорукту, ынакшылды болгаш эп-сеткилди, чедиишкиннерни, хөгжүлдени күзедивис. Чаа чылда бистерге, шуптувуска, чедиишкиннер болгаш аас-кежик үзүктелбес-ле болзунам!

Ооң-биле кады айыыл чок чоруктуң дугайында база утпаалыңар. Оюннар болгаш кышкы хөглээшкиннер, байырланчыг хөөн, өөрүшкү уругларның сагыш-сеткилинге уттундурбас кылдыр артып каарынга кижи бүрүзүнүң айыыл чок чоруун сагыыры чугула. Назы четпээн чаштарны соок үеде кудумчуга, кежээ, дүне улуг улустуң хайгааралы чокка арттырып болбас. Кичээнгейлиг болуңар, уругларга орук дүрүмнерин сагындырбышаан, боттарыңар база орукка, доштуг кежиглерге, арга-арыгга агаарлаашкын үезинде база малчын турлагларга айыыл чок чорукту сагыңар. Оон аңгыда уругларыңарже бичии-ле кичээнгейни салып, интернет четкизинде кибер-айыыл дугайында тайылбырлап бээриңерни дилээр-дир бис.

Бүгүдеге экини күзедивис! Чаа чыл-биле!