Школаларда Масленица байырлалы болуп эгелээн

Республиканың аңгы-аңгы өөредилге албан черлеринде Масленица байырлалынга уткуштур хемчеглер эртип турар. Оларның аразында Ак-Довурак хоорайында «Өлчей» лицейниң эге класстарының өөреникчилери Масленицаны байырлаан. Школачылар «Масленица ярмарказынга» идепкейлиг киришкенин сагындыраал. Ол ышкаш оолдар, уруглар хороводка ырлажып, танцы-самга өөрүшкү-маңнайлыг киришкеннер.

Байырлалдың төнчүзүнде Масленицаның хоюткузун өртеткен. Ук езу-чаңчыл-биле алырга, хоюткуну өртеткен соонда, час дүжер болгаш, чылыг хүннер эгелээр.

Масленица – кышты үдээриниң байырлалы база частың чылыг хүннерин өөрүшкү-биле уткуп, янзы-бүрү чаңчылдарны сагыыры болур.