Бөгүн Тываның Баштыңы Владислав Ховалыг Каа-Хем кожуунче ажыл-агыйжы үнүүшкүннү кылганын бодунуң блогунда бижээн. Сургакчылаашкын үезинде ол Сарыг-Сеп суурнуң Салчак Тока аттыг 2 дугаар школазынга четкен. Ук школаның капитал септелгезин «Өөредилге» национал төлевилел езугаар 2023 чылда чорутканын сагындыраал. Чаарттынган школада 405 уруг өөренип турар.

💬«Россияның Маадыры Буян Куулар-биле кады школаның чалыы армейжилери-биле ужураштывыс. Ада-чурт камгалакчыларының чылынга тураскааткан ажык кичээлди эрттирдивис» - деп, Тываның Баштыңы таныштырган.

Чурук Владислав Ховалыгның хууда блогундан.