Эрткен неделяда «Росчетки Сибирь Тываэнерго» албан чериниң ажылдакчылары Ак-Довурак хоорайда «Өлчей» лицейниң өөреникчилеринге часкы дыштанылганы айыыл чок эрттирериниң дугайында таныштырылга-кичээлди эрттирген.

«Тываэнерго» албан чериниң ажылдакчылары ук лицейниң үш болгаш алдыгы классчыларынга электрилиг айыыл чок чорук дугайында чугаалап, трансофрматор подстанциялары база электрилиг шугумнар чанынга ойнап болбас дээрзин сагындырган.

Электрилиг ток согуушкунунга таварышпас дизе, кандыг дүрүмнерни сагыырыл? Ол дугайында энергетиктер болгаш башкылар кичээлдер үезинде тодаргайы-биле чугаалап, айыыл чок чоруктуң беш минуталарын эрттирип, уругларны часкы дыштанылгаже үдээн.

💬«Кичээлдерниң кол сорулгазы – уругларга электри-биле айыыл чок хамаарылганы өөредири, ооң-биле чергелештир оларның кадыкшылын камгалаары. Уруглар «электричество айыылдыг» деп угаап билир ужурлуг» - деп, энергетиктер база башкылар санап турар.