Каа-Хем кожууннуң Бурен-Бай-Хаак суурунуң школа чанында «Солнышко» лагеринде уругларның дыштанылгазын организастаан. Лагерьге уруглар келгеш, баштай-ла Кадыкшыл хүнүнге тураскааткан оюн-тоглаага идепкейлиг киришкен.

Янзы-бүрү хемчеглерниң кол сорулгазы – уруглар ортузунга кадык амыдыралды суртаалдаары: бодунуң кадыкшылынче кичээнгейни салыры, шын чемненилгениң, спортчу маргылдааларның ужур-дузазының дугайында тайылбырны башкылар кылган.

Кадыкшыл хүнүнде уруглар арыг агаарга сула шимчээшкиннерни кылган. Оон аңгыда спорттуң хевирлерин чугаалап, ук темага чуруктарны чураан. Уруглар кадыкшыл темазынга викторинага идепкейлиг киришкеш, угаан-бодал сайзарыдыр ребустарны тыпканнар.

Каа-Хем кожууннуң Бурен-Бай-Хаак суурунда уругларның чайгы дыштанылгазы солун болгаш ажыктыг эртип турар.

#ЛОК_КААХЕМ_2025
#Летнийотдых_17