Тываның өөредилге сайыдының хүлээлгезин күүседип турар Ренат Ооржак Тес-Хемде «Сайлык» база Эрзин кожуунда «Отчугаш» стационарлыг лагерьлерниң ажылын хынаан. Кайы-даа лагерьлер график езугаар хуусаазында ажыттынган, неделя ажыг үе дургузунда Тываның янзы-бүрү булуңнарындан уруглар арыг агаарлыг черлерде дыштанып турар.

Ренат Ооржак , регионнуң өөредилге сайыдының хүлээлгезин күүседип турар:

Тес-Хем кожуунда «Сайлык» база Эрзин кожуунда «Отчугаш» стационарлыг лагерьлерниң ажылын хынадым. Кайы-даа лагерьлер график езугаар хуусаазында ажыттынган, неделя ажыг үе дургузунда Тываның янзы-бүрү булуңнарындан уруглар арыг агаарлыг черлерде дыштанып турар. Лагерьлер ине бүрүлүг арга ортузунда турар. Уруг-дарыгның мага-бодунга ниитизи-биле ажыктыг.

Россияның Чырыдыышкын яамызы уругларның дыштанылга лагерьлеринге кижизидилге ажыл-чорудулгазының чаңгыс аай программазын бадылаанын демдеглекседим. Ук программаже регионалдыг кезектерни киирген болгаш, чедимчелиг боттанып турар. Уругларның хүн бүрүзү чаа-чаа билиглер, солун чүүлдер-биле долган. Лагерьниң шупту чайгы ээлчеглери Баштайгылар шимчээшкининиң деткимчези-биле эртер.

Оолдар, уруглар-биле чугаалаштым. Лагерьге дыштаныры эки дээрзин уруглар чугаалап турдулар. Чеми чаагай. Уруглар кижизидикчи башкылары база вожатыйлары-биле эп-найыралдыг. «Сайлык» биле «Отчугаш» лагерьлеринде бистиң университедивистиң база өске-даа дээди өөредилге черлериниң студентилери – креативтиг аныяктар вожатый кылдыр ажылдап турарлар.