Барыын-Хемчик кожууннуң Аксы-Барлык суурнуң ортумак школазында капитал септелге чоруп турар. Ук школаның чаартылгазын сентябрь 1-ге чедир доозар.

«Аксы-Барлык суурда школаның капитал септелгезин бо чылдың апрель айда кылып эгелээн. Ында кылыр ажылдар хөй, ынчангаш объектини үе-шаанда, хуусаазында, дужаар дээш шупту чергениң удуртукчулары база септелгеде хаара туттунган ажылчыннар кызымаккай ажылдап турар. Амгы үеде септелге ажылдарының 50 хуузу кылдынган. Чаарттынган школаның ажыттынарын суурнуң школачылары база ада-иелер манап турар. Сентябрь 1-де школа 110 уругга эжиин ажыдар» - деп, Барыын-Хемчик кожууннуң өөредилге эргелелиниң начальнигиниң хүлээлгезин күүседип турар С.А. Ооржак дыңнаткан.

#нацпроекты