Чөөн-Хемчик кожууннуң өөредилге килдизиниң специалистери кожууннуң база хоорайның албан черлериниң ажылдакчылары-биле кады малчын турлагларже хыналда үнүүшкүннерни улачылап турар. Чадаана хоорайның чөөн талазында чайлагларда назы четпээн уругларның чайгы үеде айыыл чок чоруу база кадыкшылынга хамаарыштыр ада-иелер-биле профилактиктиг ажылды чоруткан.

Хыналда үезинде Бора-Булак база Хараган деп черлерле 9 малчын аалга четкен. Оон аңгыда хоорайның Шымбай-оол кудумчузунда 5 бажыңны хынаан. Назы четпээннерге болгаш ада-иелерге чайгы үеде айыыл чок чоруктуң дугайында сагындырыгларны кылган. Хыналда үезинде чайлагларда 15 уруг илереттинген, олар Кызыл, Чадаана хоорайлардан, Сүт-Хөл кожуундан база Хайыракан суурдан келген. Назы четпээн уругларның аразында 1 хар 4 айлыг бир чаш өпеяа бар. #безопасностьдетей