Чаа школада башкылар составы бүрүнү-биле чыгдынган, чурагайлыг өөредилге хүрээлеңиниң ийи кабинедин дерээн. Дөрт «Өзүлдениң базымнары» кабинет база 300 олуттуг хуралдаар зал, ийи спортчу болгаш тренажер залдары бар. Күш-ажыл, хөгжүм, физика дээш оон-даа өске эртемнерниң кабинеттеринде дериг-херекселдерни салган.

Школаның девискээринде бут бөмбүү, баскетбол база хол бөмбүүнүң улуг стадионнары, улуг тенниске, спортчу маңнаашкыннарга таарымчалыг стадионну туткан.

Чоок-кавыда Кызыл-Арыг, Сой суурларның уругларын сөөртүр ийи автобус бар. 236 олуттуг столовая, эмчи пунктузу болгаш ажылдакчыларга дыштаныр комнатаны кылган.

«Мен – башкы мен» күрүне программазы езугаар школада ийи аныяк башкы ажылдап келген: математика болгаш информатика, дефектолог.

 «Чаа өөредилге чылынга школа 100 хуу белен. Бо чылын 60 бирги классчыларны хүлээп алыр бис, ниитизи-биле школаны 616 уруг өөренир кылдыр туткан. Амгы үеде өөреникчилерниң саны 603 кижи. Школада 130 ажылдакчы бар, оларның иштинде 65 башкы. Уругларны ам-даа хүлээп ап тур бис. Чаа школага уруг-дарыын өөредир күзелдиг ада-иелерден билдириишкиннер ам-даа кээп тур» - деп, школаның директору Чаяна Оюн чугаалаан.

Чурукту социал четкилерден алган.