Чаа чыл бүдүүзүнде РФ-тиң Чырыдыышкын яамызы база Россияның чоннарының төрээн дылын өөренир болгаш кадагалаар фондузу бистиң чуртувустуң чоннарының төрээн дылынга байырлыг байыр чедириишкиннериниң флешмовун чарлаан.

Тываның Өөредилге яамызы «Чаа чыл төрээн дыл кырында» деп чаа чылдың байыр чедириишкиннериниң массалыг хемчээнге, флешмовунга, каттыжарын кыйгырып турар. Флешмобка шупту күзелдиг улус киржип болур.
Флешмобка киржири-биле, декабрь 24-ке чедир дараазында негелделерни күүседир:

• «ВКонтакте» болгаш «Инстаграм» социал четкилерге #НовыйГодНаРодномязыке деп хештег-биле бодунуң төрээн дылының кырынга байыр чедириишкининиң сөзүглелин азы кыска видеозун (30 секунда иштинде) салыр;
• Россияның чоннарының төрээн дылын өөренир болгаш кадагалаар фондунуң аккаунтузунга бижидип алыр;
• киржикчиниң сертификадын алыр дизе, родныеязыки.рф/?p=10332 сайтыда чагыгны долдурар ( чүгле декабрь 24-ке чедир сайтыда чагыгны долдурган улуска).

Флешмобка катчып, идепкейлиг киржиңер! Бистиң улуг-делгем Чуртувустуң шупту чоннарының дылынга Чаа чылдың байыр чедириишкиннери дыңналзын!

#Рекомендуем #Флешмоб #РодныеЯзыки #Поздравление #МногонациональнаяРоссия #минобразованиятыва #анонсыминобр17