Тыва Республиканың өөредилге сайыды Алексей Храмцов Кызыл хоорайның школаларында изиг чем-биле хандырылганы чорудуп турар хуу бүдүрүлге ээлери-биле ажылчын ужуражылганы эрттирген.

Халас изиг чемни амгы үеде Тываның школаларының эге класс өөреникчилери шупту 100 хуу, а ол дээрге 2021-2022 өөредилге чылында 30 515 уругну изиг чем-биле хандырып турар. Кызыл хоорайда халас изиг чемни 1-ден 4 класска чедир 12 899 өөреникчи ап турар. 2022 чылда федералдыг бюджеттен халас изиг чем организастаарының талазы-биле 393,6 млн.рубль хемчээлдиг саң-хөө акша-хөреңгизин аңгылаан.

Ужуражылгада школа чемненилгезин организастаар комплекстиг программалар ажылдап кылырының, школаларның чемненир черлериниң кошкак материал-техниктиг баазазының, столоваяларның менюзунда чемниң чаңгыс аайының, чигир аарыглыг, аллергиялыг болгаш оон-даа өске аарыглыг уругларга тускай чем организастаар системаның чогунуң дугайында айтырыгларны онзалап демдеглээн.

Оон аңгыда, хуу бүдүрүлге ээлери боттарының талазындан школаларны хандырарынче организациязының шилилгезинче арганы өскертириниң чугулазын, уруглар чемненилгезиниң адырында хемчеглерни таарыштырарын сайзырадырын, нормаларже, хыналда болгаш күрүне деткимчезинче чамдык өскерилгелерни киирерин демдеглээннер.

Мурнунда Тыва Республиканың экономиказынга болгаш чаңчылдарынга дүүштүр дөмейлешкек шиитпирлер дилээр ажыл ам-даа хөй!

#минобразованиятыва #детскоепитание #горячеепитаниевшколах #здоровьедетей