ТР-ниң Өөредилге яамызы дээди башкы өөредилге албан черлериниң доозукчуларынга чаңгыс катап алыр компенсация төлевирин алыры-биле конкурс шилилгезин чарлаан. Кордакчылардан чагыгларны Тываның билиг хөгжүдер болгаш мергежил бедидер институтта август 10-дан эгелеп хүлээп турар.

Хуусаалары:

- 2022 чылдың август 10-дан сентябрь 1-ге чедир.

Негелдери:

- Россия Федерациязының девискээринде дээди өөредилге программазының талазы-биле бо чылын, 2022 чылда, өөредилге ажыл-чорудулгазын чорудуп турар организацияларның доозукчузу;
- квалификациялыг тайылбыр номнарында айтып каан мергежилдиң негелделеринге дүгжүп турар дээди эртеминиң бары;
- документилерин дужаап турар үеде кордакчының назы-хары 35 харга чедир болур;
- ниити билиг организациязынче башкы кылдыр доктаамал ажылдаары-биле шалың төлевириниң хемчээлинге неделяда 18 шактан эвээш эвес өөредилге ажылының хемчээли-биле ажылче тургузары;
- күш-ажыл керээзи езугаар шалың төлевириниң хемчээлинге неделяда 18 шактан эвээш эвес өөредилге ажылының хемчээли-биле негелделиг кол ажылының аайы-биле 3 (үш) чылдың дургузунда ажылдаар хүлээлгени башкыдан хүлээп алыры.

Кым кордап болурул?
- башкы мергежил аайы-биле школада ажылдап кирипкен 2022 чылдың дээди өөредилге албан черлериниң доозукчулары.

Адрези:
- Кызыл хоорай, Чургуй-оол кудумчузу, бажың 1 (каб. 201). Чагыгларны хүлээп алыр үези: 09.00-17.00 (дүъштээр шак - 13.00-14.00). Телефон: +7(39422)2-84-50, электроннуг почта: Этот адрес электронной почты защищён от спам-ботов. У вас должен быть включен JavaScript для просмотра.

Эргежок чугула документилер даңзызы:
- паспорттуң 1-2 дугаар арыннарының хоолгазы;
- дээди билиг дугайында дипломнуң хоолгазы (нотариустуң бадыткааны-биле);
- мергежилиниң деңнелин бадыткаан документиниң хоолгазы (бар болза);
- нотариустуң азы ажылдап турар чериниң кадрлар албанының бадыткааны күш-ажыл дептериниң хоолгазы;
- ИНН хоолгазы;
- СНИЛС хоолгазы;
- хууда медээлерин ажылдап кылыры-биле кордакчының чөпшээрели;
- акша-хөреңги шилчидеринге реквизиттери-биле банктан ушта бижилге;
- күш-ажыл керээзи езугаар шалың төлевириниң хемчээлинге неделяда 18 шактан эвээш эвес өөредилге ажылының хемчээли-биле негелделиг кол ажылының аайы-биле 3 (үш) чылдың дургузунда ажылдаарынга белен дээрзиниң дугайында кордакчының чөпшээрели;
- өгленишкениниң дугайында херечилелдиң хоолгазы (бар болза);
- ажы-төлүнүң төрүттүнген дугайында херечилелдериниң хоолгазы (бар болза);
- мультифоралыг (пластик) папка.

Компенсация төлевирин алыр эргениң кордакчыларының шилилгезин конкурстуң документациязының чыылдазының соонда, конкурс комиссиязының хуралының үезинде эрттирер. Конкурстуң эрткениниң түңнелдери-биле протокол шиитпири езугаар киржикчилерге шилилгениң түңнелдериниң дугайында медээлиг чагааларны чоргузар. Конкурстуң тиилекчилери-биле үш талалыг керээ чардынар, компенсация төлевириниң хемчээли шилилгени эрткен ниити киржикчилерниң саны болгаш планнаттынган акшаландырыышкынның ниити түңүнге дакпыр кылдыр тодарадаттынар.

Шак мындыг башкы ажылдакчыларны деткип идиг бээр хемчеглерниң боттанылгазы болгаш шиңгээттинери башкыларны ниити билиг организацияларынче хаара тударынче, хостуг ажылчын олуттарны кызырарынче, чугула мергежилдерниң талазы-биле кадрларның чедишпезин эвээжедиринче, школаларның кадрлар составын чаартырынче, а ол ышкаш өөреникчилерниң билиг шынарын бедидеринче кыйгырган дээрзин сагындыраалыңар.

#минобразованиятыва #анонсы #конкурс