Тыва дыл хүнүнге, чылдың-на ноябрь 1-де эрттирип турар, чаңчыл апарган «Улусчу диктант»/«Народный диктант» хемчегни Национал школа хөгжүдер институт улуг улус аразындан күзелдиг кижилерниң, Тыва Республиканың күш-ажылчы коллективтериниң, хоойлу-дүрүм органнарының, күүсекчи болгаш суд эрге-чагыргазының ажылдакчыларының аразынга эрттирер.

Чыл келген тудум, «Улусчу диктантының» киржикчилер саны немежип турарын сагындыраалыңар. Чижээлээрге, эрткен чылын «Улусчу диктант» хемчегге 2000 ажыг кижи киришкен.

Диктант 2022 чылдың октябрь 20-де 16.00 шакта албан черлериниң шөлчүгештеринге эртер.

Күш-ажылчы коллективтерни «Улусчу диктант» хемчегге идепкейлиг киржирин чаладывыс.