Ортумак хар-назылыг бөлүктүң киржикчилериниң тестилиг даалгаларын күүседири доозулган. Ноябрь 7-ден эгелеп, улуг бөлүктүң киржикчилериниң тестилиг даалгалар күүседири эгелээн.

Бүгү российжи эки турачы өртчү ниитилели школачыларны, студентилерни, а ол ышкаш курсантыларны ноябрь 17-ге чедир эртип турар өрттүң айыыл чок чоруунуң талазы-биле онлайн-олимпиадага киржири-биле чалап турар.

Олимпиада өрттүң айыыл чок чоруунуң дүрүмнеринге, өрт камгалалының болгаш эки турачыларның төөгүзүнүң дугайында айтырыглар кирген тести хевирлиг эртип турар.

Олимпиаданың чадалары:

- октябрь 26 – ноябрь 6 - «Ортумак» хар-назылыг бөлүктүң киржикчилериниң тестилиг даалгалар кылыры (11-15 хар);
- ноябрь 7 - 17 - «Улуг» хар-назылыг бөлүктүң киржикчилериниң тестилиг даалгалар кылыры (16 хар болгаш оон улуг);
- ноябрь 18 - 23 – түңнелдер үндүрери;
- ноябрь 24 - 25 – тиилекчилерни чарлаары.

Олимпиаданы эрткен киржикчи бүрүзүнге алганы баллдарын айтып каан электроннуг сертификатты тыпсыр.

Олимпиаданың дугайында долузу-биле дараазында сайттан көрүп болур:   http://вдпо.рф/olimppb

Киржириниң дугайында айтырыгларны дараазында дугаарже долгап, айтырып болур: +7(39422)2-46-87.

#минобразованиятыва #анонсы #безопасностьдетей #олимпиада