Кызылдың 5 дугаар гимназиязының 9-ку классчылары клазының удуртукчузу Елизавета Волобуева-биле катай «Блиндажтыг лаа» деп патриотчу акцияга киришкен.

«Блиндажтыг лаа» деп акция ТШО/СВО зоназында шеригжилерге чылыг болгаш чем чылдып алыры-биле хандырар херекселдерни оларга дуза кылдыр угланган. Аңаа акцияның киржикчилери «блиндажтыг лаа» деп адаары херекселдерни холга ап чоруур херекселдерден кылган. Ол дээрге тускай лаалар – анаа амыдыралдың лааларындан ылгалдыг, эзилдирген чук хевирлиг бүдүмелдер база кылын картон ажыглап, чуга демирден кылган кыпсыр черлер (горелкалар). Шак ындыг херексел үр үениң дургузунда чылыгны бээр, а одунуң күжү дүъштеки чем кылырынга чедер.

Эш хуу дуза иштинде акцияга 11 дугаар школаның чалыы корреспондентилери Константин Некрасов биле Александр Парадович, а ол ышкаш лаалар кылырынга ажыглаар парафинни берген Кызыл хоорайның «Арат» садыының хуу бүдүрүлге ээзи Айтемир Ооржак олар каттышканнар.

 «Шупту киржикчилерге акцияны эрттиреринге дуза чедиргени дээш өөрүп четтириишкинни илередип, өөредилге организациязы бүрүзүнге СВО-да солдаттарга дуза кылдыр блиндажтыг лааларны белеткеп кылырынче кыйгырып тур бис. Бистиң дайынчыларывыска чүгле лаалардан чылыг эвес, а харын-даа оларның дугайында сагыш човап турар дугайында, оларны манап, бүзүреп турар деп бодалдардан чылыг болзун!» - деп, «Юнармия» регионалдыг штабтың начальниги Айдын Шивидек демдеглээн.

#минобразованиятыва #блиндажнаясвеча #патриотика #поддержка #сво