«Уруг бүрүзүнүң чедиишкини» федералдыг төлевилел бистиң школаларывыста немелде өөредилгени сайзырадып турар. Чаа өөредилге чылының мурнунда республиканың 6 школазында театрларны дерээн. Амгы үеде медиатөптерниң, спортчу база турисчи клубтарның, школа музейлериниң дериг-херекселдерин дужаарынга белен.
 Спортчу туризм угланыышкыны-биле Сукпактың, ыраккы Каа-Хемниң 2 дугаар школазы болгаш Ийи-Талдың аграрлыг школазы чугула херек дериг херекселдерни: компастарны, рацияларны, камгалал багларны болгаш өске-даа чүүлдерни алыр. Чылдан чылче уругларның сонуургалы улгадып турар. Олар спортчу маргылдааларда багай эвес көрүзүглерлиг. Оолдар, уруглар бир демниг болуп, команданың хей-аъды, бот-боттарынга дуза деп билиишкиннерге, шыдамыккай чорукка болгаш быжыг туруштуг болурунга өөренип турар.

 Оон аңгыда «Төрээн чурт камгалалы болгаш айыыл чок чоруктуң үндезини» эртемге 27 школаның дериг-херекселдери келген. Сентябрь 1-ден тура школаларда бо эртемни өөредип эгелээн. Тывадан 170 башкы билиин бедидер курстарны эрткен» - деп, Владислав Ховалыг демдеглээн.