Тыва дыл – тыва чоннуң бот-тускайлаңын илередип чоруур өзек көргүзүглерниң бирээзи. Ада-өгбеден дамчып келген төрээн дылывыска хумагалыг болбушаан, ону амгы үениң сайзыралынга дүүштүр тыва дылче чаа билиишкиннерни, сөстерни, очулгаларны киирери, амгы үениң шакпын агымы негеп келген. Оларны бистиң ажы-төлүвүс база шиңгээдир ужурлуг.

Өзүп орар аныяк салгалга төдылын дамчыдарынга Тываның өөредилге шугумунда чүс-чүс башкылар, кижизидикчилер үлүг-хуузун киирип, билиг-мергежилин харам чокка өргүп чоруур. Тыва дыл болгаш чогаал башкыларын тыва дылдың келир үезиниң кол магадылалы болгаш келир үениң тыва дылдыг хамаатыларының шуткукчулары деп бүзүрелдиг адап болур бис. Байлак сөстүг тыва дылывысты янзы-бүрү өөредилге-методиктиг аргалар-биле чаштарывыска, сургуулдарывыска дамчыдып, өөредип, ону суртаалдап, нептередип чоруур хүндүлүг башкыларывыска чоргаарланмышаан, өөрүп-четтиргенивисти бо онзагай хүнде база катап илередирин чөпшээреп көрүңер!

Эргим чаңгыс чер-чурттугларывыс, он дугаар байырлап турарывыс төрээн дылывыстың хүнү-биле тыва дылдың эдилекчилеринге, бүгү чонувуска изиг байырны чедирип тур мен!