«Россияның чоннарының дылдары» төлевилелдиң иштинде чоокку ийи чыл дургузунда Яндекс биле РФ-тиң Регионнар болгаш националдар херектериниң талазы-биле федералдыг агентство чурттуң 20 дылының, ооң иштинде тыва дылдың, машина-биле кылыр очулганың системазын ажылдап кылыр. Ол дугайында Тываның өөредилге сайыдының хүлээлгезин күүседип турар Ренат Ооржак бодунуң блогунда тайылбырлаан.

Ренат Ооржак, Тываның өөредилге сайыдының хүлээлгезин күүседип турар:

- Яндекс компанияның төлээлери-биле ужуражып, чурагайлыг делгемнерге тыва дылдың хөгжүлдезиниң дугайында чугаалаштывыс. Тыва дылдың хөгжүлдезиниң стратегиязы езугаар 2033 чылга чедир төрээн дылывысты чурагайжыдарынче онза кичээнгейни салыр ужурлуг бис.

«Россияның чоннарының дылдары» төлевилелдиң иштинде чоокку ийи чыл дургузунда Яндекс биле РФ-тиң Регионнар болгаш националдар херектериниң талазы-биле федералдыг агентство чурттуң 20 дылының, ооң иштинде тыва дылдың, машина-биле кылыр очулганың системазын ажылдап кылыр. Амгы үеде Яндексте РФ-тиң 7 дылының очулгазы ажылдап, бир дылдың (татар) чугаазын танып, синтезин кылып турар. Яндекс Очулгаже тыва дылды киирер ажыл чоруттунуп турар. Бистиң бирги чадада сорулгавыс – орус-тыва очулдурттунган сөстерниң санын 500 муң чедир көвүдедири (амгы үеде 280 муң). Оон аңгыда тыва чугааның синтезиниң технологиязын тургускаш, ону сайзырадыры чугула.

Чурукта: Андрей Михеев, «Россияның чоннарының дылдары» төлевилелдиң удуртукчузунуң оралакчызы, Чойган Ондар, Начын Монгуш – дыл талазы-биле идепкейжилер, ТГТШИ-ниң эртем ажылдакчылары. Оон аңгыда ужуражылгага очулганың шынары килдистиң начальниги Александр Антонов киришкен.