Главная
Чуртта дээди болгаш ортумак профессионал өөредилге черлеринче дужаап кирер кампания июнь 20-де эгелээн. Абитуриентилер боттары-даа, Күрүне ачы-дузазының порталын ажыглап, интернет-даа таварыштыр билдириишкиннерин киирип болур.
Дээди өөредилге черлери июль 25-ке чедир, техникумнар болгаш колледжтер август 15-ке чедир документилерни хүлээп алыр, а чогаадыкчы мергежилдерже документилерни дужаарының хуусаазы август 10-га чедир.
Хүлээп алыышкын кампаниязының үезинде Бурятияның күрүнениң көдээ ажыл-агый академиязы, Красноярскиниң күрүнениң аграрлыг университеди, Кузбасстың күрүнениң аграрлыг университеди, Бурятияның күрүне университеди, Томскиниң күрүнениң башкарылга системалары болгаш радиоэлектроника университеди, Сибирьниң федералдыг университединиң шериг-инженер институду болгаш Плеханов аттыг Россияның экономика университединиң Моолда филиалы билдириишкиннерни хүлээп, абитуриентиниң боду-биле консультацияны эрттирер.
Регионалдыг Өөредилге яамызының албан езунуң курлавырларынга хүлээп алыышкын комиссияларының ажылын кажан эгелээриниң тодаргай хүннерин дыңнадырын сагындыраал.
Тываның Өөредилге яамызының специалистери дараазында айтырыглар талазы-биле консультацияны бээр:
- тускай сорулгалыг өөредилгениң керээлерин чарары;
- бакалавриат болгаш специалитет программалары-биле өөрениринге тускай эргелер;
- тускай, аңгы болгаш тускай сорулгалыг квоталар-биле дужаап кирери;
- документилер дужаарының хуусаалары;
- университет ерниң албан езузунуң сайтыларында, «Россияда ажыл» база «Күрүне ачы-дузалары» порталда хууда кабинеттерге ажыл.
Абитуриентилер өөредилге черлериниң албан езузунуң сайтыларындан дужаап кирериниң негелдерлерин, эрте бээр баллдарының болгаш иштики шылгалдаларының дугайында кичээнгейлиг өөренип көөрү чугула.
Республиканың хүлээп алыышкын комиссиязы июнь 30-ден июль 25-ке чедир Тываның политехниктиг техникумунга (Кызыл, Салчак Тока кудумчузу, 14) информастыг болгаш тайылбырлыг дуза көргүзери-биле ажылдаар. Абитуриентилер болгаш оларның ада-иелери кандыг-даа айтырыгларны салып болур. Изиг шугумнуң телефон дугаары: 8 (39422) 6-11-45.