Чаа-Хөл кожууннуң Ак-Дуруг суурундан Шойдааларның өг-бүлези «Чашкы үениң чалгыннары» бүгү-российжи өг-бүле фестивалының шилилде чадазын чедиишкинниг эрткен болгаш, Тываны ук фестивальга төлээлээр.

Фестивальдың түңнел чадазынга киржири-биле, чурттуң шупту булуңнарындан өг-бүле командалары адааннашкан. Командаларның составынче 2024-2025 өөредилге чылының 4-тен эвээш эвес хемчеглеринге киришкен «Россияның бичии эзирлери», 2-3 классчылар, база ада-иелер кирген.

«Чашкы үениң чалгыннары» өг-бүле фестивалынга киржир дээш Чойган Борисович биле Надежда Олеговна ийи шилилде чаданы эрткен. Баштай «Өг-бүлениң видео-таныштырылгазын» тырттырып, боттарының хостуг үезин уруглары-биле кады эрттирип турарын, ол ышкаш «Россияның эзирлери» программага уруг-дарыының киржилгезин көргүскен. Ооң соонда «Кады кылыылы!» деп төлевилелди чогаатканнар.

Фестиваль август 15-18 хүннеринде Москва хоорайга эртер болгаш, чурттуң янзы-бүрү булуңнарындан 300 хире чогаадыкчы өг-бүлелерни каттыштырар. #орлятароссии #навигаторы17