«Тыва дыл – чаштарга» деп регионалдыг төлевилел «2017-2020 чч. тыва дылды хөгжүдери» деп Күрүне программазында кирген болгаш Тыва Республиканың школа назыны четпээн уруглар өөредир албан черлеринге уругларның төрээн (тыва) чугаазын сайзырадырының «Төрээн Тывам» («Моя родная Тува») деп чижек өөредилге программазы ажылдап кылдынган.

Школа назыны четпээн уруглар өөредир албан черлеринде уругларга төрээн (тыва) дылын өөредиринге таарымчалыг байдалды тургузуп турар. Республикада «Тыва дыл – чаштарга» деп төлевилелди 2019 чылда бир дугаар шиңгээдип эгелээн.

«2017-2020 чч. тыва дылды хөгжүдери» деп Күрүне программазының акшаландырыышкыны-биле чаштарның назы-харының аайы-биле бөлүк номнарны үндүрген:
> 2-3 харлыг уругларга «Күдерек», «Долаана», «Мээң өг-бүлем» («Моя семья»);
> 3-4 харлыг уругларга «Хөглүг үннер»/ «Веселые звуки»;
> 4-5 харлыг уругларга «Сөстер оюну»/ «Игра слов»;
> 5-6 харлыг уругларга «Дыңнаксанчыг тыва чугаа»/ «Мой тувинский язык»;
> 6-7 харлыг уругларга «Үжүктер таалыңы»/ «Сундук азбуки»; «Бөмбүрзек»/ «Глобус»; «Үлегер»/ «Пример».

2019-2020 өөредилге чылында чаңгыс аай программаны кииргениниң түңнелинде 208 уруглар садтарынга неделяда 2 шакка төрээн (тыва) дылын өөредип эгелээн.

Тыва Республикада «2017-2020 чч. тыва дылды хөгжүдери» деп Күрүне программазының күүселдезин чедип алыры-биле ТР-ниң Өөредилге болгаш эртем яамызының доктаалы ёзугаар төрээн (тыва) дылын өөредиринге таарымчалыг байдалды тургузуп турар школа назыны четпээн уруглар өөредир албан черлерин деткиир болгаш тодарадыр сорулгалыг муниципалдыг база регионалдыг чадалыг «Тыва Республикада школа назыны четпээн уруглар өөредир албан черлеринде тергиин тыва дыл кабинеди» деп республика чергелиг көрүлде-мөөрейин эрттирген.

Муниципалдыг чадада 17 кожуундан 88 школа назыны четпээн уруглар өөредир албан черлери киришкен. Республика чергелиг чадага муниципалдыг чаданың 19 тиилекчизи киришкен.

Мөөрейниң ажылдарын көргениниң түңнелинде «Школа назыны четпээн уруглар өөредир албан черлеринде тергиин тыва дыл кабинеди» деп көрүлде-мөөрейниң тиилекчизи Ак-Довурак хоорайның «Сказка» аттыг уруглар сады болган.

Тус-тус номинацияларга дараазында тиилекчилер тѳлептиг болган:
- «Авторнуң эргези-биле методиктиг аргаларны чаартыкчы болгаш чогаадыкчы ажыглап тыпканы» (Дипломант) – Чөөн-Хемчик кожууннуң Чадаана хоорайның «Хээлер» уруглар сады;
- «Тергиин тыва дыл кабинединде” тыва чугааны сайзырадыр талазы-биле оюн болгаш дидактиг материалдарны долу четчелээни»(Дипломант) – ТР-ниң Каа-Хем кожууннуң Сарыг-Сеп суурнуң «Родничок» №5 уруглар сады;
- «Тергиин тыва дыл кабинедин каастап шимээринге чогаадыкчы болгаш чаартыкчы чорук» (Дипломант) – ТР-ниң Кызыл хоорайның № 31 уруглар сады.
Келир үениң сорулгазында чаа 2021-2022 өөредилге чылында төрээн (орус) дылдыг чаштарга тыва дылды өөредириниң чижек программазын уруглар садтарынга шиңгээттирип киирери болур.

Чурукту интернет четкизинден алган