Губернатор төлевилелиниң чедиишкинниг киржикчизи – Анай-Кара Монгуш (https://vk.com/mongushanaykara) .

«Мен удавас Кемеровонуң күрүнениң медицина университединиң эмнээр салбырын доозар мен. 2015 чылда Улуг-Хем кожууннуң гимназиязын дооскаш, ынчан-на ол төлевилелдиң киржикчизи болган мен. Университетче төлевирлиг өөренир кылдыр кирген мен.

1 дугаар курсче кирер деп тургаш, чеде бергеш, бо төлевилелдиң дугайында медээни алгаш, дыка өөрээн мен. Төлевилелдиң дугайында тайылбырны ап, долузу-биле өөренип көргеш, карак-кызыл өөренип кирипкен мен. Кол-ла чүүл – шылгалдаларны чүгле «4», «5» демдектерге дужаап алырга, дыка улуг дузалыг дээрзин угаап билгеш, сеткилимден кызыпкан мен.

2 дугаар курстуң 2-ги семестрин төлевилел аайы-биле төлеп берген, ол дээрге ам элээн акша, оон шыглалдаларым чүгле «5» деп демдекке дужаагаш, мени бюджеттиг талаже шилчидер кылдыр билдириишкин киирип каан мен.

3 дугаар курска чедип кээримге, бюджеттиг талазынче шилчидипкен, ол дег улуг өөрүшкү меңээ турбаан! Ам сорулгам база-ла эки өөренир, стипендия алыр. Ол ышкаш университедимден база меңээ улуг деткимче болган төлевилелден эрткен чылын 5 дугаар курсту база эки түңнелдерлиг дооскаш, (40 муң) стипендияны алырга, дыка-ла өөрүнчүг болган. Ону дыка улуг деткимче деп санаар мен. Ол ашка-биле дораан машина башкарып өөренип алгаш, чолаачы шынзыдылганы өөренип алдым. Кижиниң кызыл күжүн үнелеп билир дыка ажыктыг демкимче төлевилел барынга аажок өөрүүр-дүр мен! Кол-ла чүүл – кызымаккай болуп, эки өөренир болза, ол-ла.

Төлевилелдиң дугайында тайылбыр ажылын чогуур черниң ажылдакчылары дыка шынарлыг кылып турар деп санаар мен, чүге дизе кижиге тодаргай тайылбырны бээрге, кижиниң шиңгээдип алырынга ажыктыг. Ылаңгыя, бистиң-биле ажылдап чоруур башкывыс, килдис эргелекчизи Чодураа Борисовна даады-ла бистиң-биле тудуш харылзааны үспейн чоруур. Арта «ласточки проектные» деп аңгы бөлүктүг бис. Ол чараш аттыг бөлүктүң киржикчизи болганымга сеткилимден аажок өөрүүр, чоргаарланыр мен».

 Немелде: шынап-ла, тулган дээн төлевилел. Ооң ачызы-биле дээди эртем чедип алыры-биле, 3000 уруг деткимчени алган. Ол бүгү Тыва Республиканың Чазааның болгаш Тыва Республиканың Өөредилге болгаш эртем яамызының түңнелдиг ажылы. Төлевилелдиң эгезинден тура, ооң боттанындырылгазында киржип турарымга канчаар-даа аажок өөрүп тур мен.

#ГПОРВО #УСПЕШНЫЕЛАСТОЧКИ #ЛАСТОЧКИПРОЕКТНЫЕ #УспешныеУчастникиОРВО #рубрикаМОНРТ #монрт