Донгак Владимир Саарымбууевич 1953 чылдың апрель 15-те Баян-Тала суурга малчын өг-бүлеге төрүттүнген. Ол Кызылдың башкы институдуң 1975 чылда биология-химия факультедиң дооскаш, Баян-Тала школазынга ажыл-агыйжы оруун башкы чорудулгазындан эгелээн.

1979-1981 чылдарда Москвага Комсомолдуң дээди школазын дооскаш, Кызыл хоорайга Горком Комсомолдуң 1-ги секретарынга ажылдап чораан. А 1986-1991 чылдарда Мугур-Аксы школазынга директорлап, Мугур-Аксының күүсекчи органнарынга удуртукчулап турганы намдарында кирип турар.

1991-1997 чылдарда Чөөн-Хемчик районнуң өөредилге районозунуң эргелекчизинге удуртукчулап ажылдаан. Ооң соонда 2001 чылга чедир барык 10 чылдың дургузунда Тыва Республиканың өөредилге сайыды болуп ажылдап чорааш, чангыс аай өөредилге формазын школаларга киирер деп эгелээшкинни кылып чоруткан.

2001-2005 чылдарда Тыва Республиканың Чазааның Аппарадының оралакчызынга ажыл-агый эргелелиниң даргазынга ажылдап чораан.
Кезек үе дургузунда ажыл-албан болгаш хөй-ниити ажылынга ажылдап турган болгаш, чогаадылга ажылын барык чорутпайн турган.

Ынчалзажок, элээн каш чылдар болганда, поэзия, шүлүк чогаалынга катап эглип, «Мөнге чай» («Вечное лето») деп шүлүктер номун үндүрген. Ол ышкаш Владимир Саарымбууевичиниң чогаалдары Улуг-Хем альманагынга удаа-дараа үнүп турган. Владимир Саарымбууевич Донгак чогаалчы, шинчилекчи, талантылыг удуртукчу кижи чораан.

Үндезин кылдыр алган медээ: «Тувинская литература. Словарь». С. Комбу. 2021 ч.