«Бичии уругларга өөрүшкүнү сөңнээри, оларның чүректеринге чоргааралдың билиишкинин оттурары, бодунуң ат-алдарын бодаары, күш-культурага сонуургалды оттуруп, кадык амыдыралды чорударынга чаңчыктырары – амыдыралдың үзели» – деп, Мөңгүн-Тайга кожууннуң Мөген-Бүрен сумузунуң ортумак школазының күш-культура башкызы Юрий Захарович Сарыглар демдеглеп турар.

Ол 2019 чылда Кызылдың башкы колледжизин дооскан. Мөген-Бүрен ортумак школазынга 2013 чылдан тура, ажылдап турар.

«Бо школага ажылдаан чылдарымда, бодумнуң шилип алган оруумга, чаңгыс-даа хараадаваан мен. Мен школаже уругларны өөредир дээш, барып турар мен. Сөөлгү чылдарда өзүп орар салгалдың кадыкшылының деңнели кошкаап турар дээрзи чажыт эвес. Өөреникчи бүрүзүнге, башкы кижиден удаа-дараа хамаарышпас аңгы-аңгы чылдагааннар ужун, чуртталгага идепкейлиг киржилгени кижизидери болдунмазы чадапчок. Ол ышкаш школачы кижи бүрүзүнде долгандыр турар делегейни шинчилеп билип алырын, чок болза, ону бичии-даа болза, эки кылдыр кылыптарынче чүткүлдү кижизидери болур. Ажы-төлдүң кижизидилгезинге ада кижиниң ролю кол черни ээлеп турар. Тыва чоннуң чиге сөглээни үлегер домаанда ышкаш «Кижи болуру чажындан, аът болуру кулунундан». Кижиниң шын мөзү-бүдүжү, иштики делегейиниң байы база кижизидилгези, бир дугаарында, өг-бүледен эгелээр. Амгы аныяк-өскенни спортче, күш-шыдалың быжыктырарынче хаара тудары - кол сорулга.» – деп, Юрий Захарович бодунуң бодалы-биле үлешкен.

Төлептиг башкы ада Юрий Захарович туризм база өөреникчилери-биле походтар баарынга сонуургалдыг. Өг-бүлелиг, 3 чаптанчыг ажы-төлдүг.

#папаможет #деньотца #вместеспапой #папарядом #поздравимпапу #деньотцовства