«Дылдар талазы-биле бо ышкаш дуржулга меңээ Красноярск крайның администрациянга турган. Аңаа бис Таймырга «Көшкүн школа»-ны катап тургузуп, ненец чон өөрүшкү-биле ук ажылды шиңгээткен. Ук школаларның кол сорулгаларының бирээзи – Соңгу чүктүң үндезин чонунуң төрээн дылын, культуразын болгаш амыдыралын кадагалаары. Ынчангаш ол төлевилелдиң 2006 чылдан тура, чедиишкинниг ажылдап, улуг деткимчени алган болгаш шиңгээдип кииргенин шыдапкан бис деп санап турар мен. Ол ышкаш сөөлүнде Якутияга шак ындыг школаны тургускан. Ынчангаш ук төлевилел Россияның Чырыдыышкын яамызының деңнелинче шилчээн».

«Тыва дылдың литературлуг болгаш уран чүүл хөгжүлдезин кадагалаарынга, профессионалдыг харылзаа, өөредилге болгаш амыдыралдың өске-даа чугула талалары-биле холбаалыг орус дыл болгаш хөгжүлдени ажыглавайн барбайн, шиитпирни тып алыр бис» – ук угланыышкынга чүгле регионнуң Өөредилге яамызы хөделир эвес, а ол ышкаш республиканың культуразы-биле холбашкан өске структуралар болур деп, сайыттың хүлээлгезин күүседип турар Алексей Храмцов демдеглээн.

Алексей Храмцовтуң чугаалап турары-биле алырга, Тывада дылдарның хөй талалыг сайзыралынга үндезин бар.
«Ол талазы-биле Тываның гуманитарлыг болгаш социал-экономиктиг тускай шинчилелдер институду, театр болгаш культура коллегиязы-биле кады ажылдажылганы чорудары чугула. Россияның Чырыдыышкын яамызынга кады чугаалажылга эртип турда, коллегалар республиканың дылдар хөгжүлдези-биле айтырыгларны шиитпирлээринге сураглыг А.И. Герцен аттыг Россияның күрүнениң педагогиктиг университединден шагдагы партнерларны хаара тударын саналдаанын демдеглеп каайн» – деп сайыт чугаалаан.

Өөредилге адырының удуртукчузу Алексей Храмцов Национал школа хөгжүдер институттуң коллективи-биле ажылчын ужуражылганы кылган. Ужуражылга үезинде чүгле регионнуң кезек хөгжүлдези, программалар болгаш номнар ажылдап кылыры, методиктиг үделге база национал школалар деткимчези дээн айтырыглардан өске чугула дээн айтырыгларны база чугаалашкан. Ол ышкаш институттуң тыва дылды хөгжүдер болгаш нептередир сорулгалыг чоруп турар ажылдың үнелиин болгаш чугулазын демдеглээн.

#минобразованиятувы #ирнш #тывадыл