Тыва Республиканың көдээ черлеринде өөредилге албан черлериниң баазазында болгаш улуг эвес хоорайларда «Өзүлде чери» («Точка роста») бойдус-эртемниг, техниктиг, ниитилел база санныг профильдиг билиг бээр төптер ажыттынып турар. «Өзүлде чери» дээрге, Чырыдыышкын яамызының тургусканы «Өөредилге» национал төлевилелдиң иштинде эң ховар төлевилел.

Бо хүнде Тывада немелде өөредилге болгаш кол өөредилге программаларының эртем адырларының талазы-биле уругларның өөренип турар 87 «Өзүлде чериниң» төвүн тургускан. Ол ышкаш «Өзүлде черлерин» школачыларның, башкыларның база ада-иелерниң чогаадыкчы болгаш төлевилел ажыл-чорудулгазынга хөй-ниити делгемнери ышкаш кылдыр ажыглап болур.

Шак ол «Өзүлде черлериниң»
төптериниң бирээзинде, Сукпак суурда турар Тыва Республиканың Аграрлыг лицей-интернаттың баазазында ажыттынган төпте уруглар «Кыштаг» деп аттыг төлевилелди чогаадып кылган. Олар ында боттарының билиглерин, арга-мергежилдерин болгаш билди-мергежилдерин көргүзүп, азырал дириг амытаннарның болгаш ландшафтыг дизайнның үш хемчээлдиг хевирлерин кылган.

Агролицейде өөренип турар уругларның аразында малчыннар ажы-төлү база бар, ынчангаш олар боттарының эштери-биле малчын кыштагларның дугайында билиглери-биле үлежип турар. Амгы үениң уруглары мурнакчы технологияларга дүргени-биле сонуургалдыг чаңчыгып турар болгаш, шак ол үш хемчээлдиг хевирлерни тургузуп, парлап үндүрүп турар.

«Көдээ черлерниң школаларында амгы үениң төптери ажыттынып тургустунуп турарынга канчаар-даа аажок өөрүүр-дүр бис. «Өзүлде чери» төптерниң курлавырларын ажыглаанының ачызында, лицейниң башкылары солун бойдус-эртем кичээлдерин болгаш технологтуг бөлүктерин эрттирип турар. Ылаңгыя оолдарның технология кичээлдеринге сонуургалы улуг. Башкылар уруглар-биле катай төлевилелдерни ажылдап кылып база оларны янзы-бүрү деңнелдерлиг мөөрейлерге киириштирип турар». – деп, Тываның Аграрлыг лицей-интернадының директору Резеда Тулуш демдеглеп турар.

#Путин #Президент #Инициативыпрезидента #ВладиславХовалыг #Нацпроекты #НацпроектОбразование #образованиевприоритете #минобразованиятыва #точкароста