Химия, физика кабинеттерин, школа эт-севин болгаш школаның чемненир черлериниң дериг-херекселин четчелээри-биле, Тываның Баштыңының дилээ езугаар республиканың алганы 1,5 млрд. рубль немелде субсидия-биле саттынган.

Россия Федерациязы Тыва Республиканың Өөредилге яамызынга республиканың өөредилге албан черлериниң инфраструктуразының хөгжүлдезинче шак ол акшадан 105 млн. рубльди үндүрүп берген.

2020 чылда Россия Федерациязының Президентизи Владимир Путинниң даалгазы езугаар чурттуң шупту школаларының эге класстар өөреникчилеринге халас чемненилгени эгелээн. Республиканың школаларының чемненир черлерин чаартыры-биле база изиг чемненилгениң шынарын экижидер сорулгалыг чаа дериг-херекселдерни садып ап, дерип турар.

Немелде субсидия акшаландырыышкынының ачызында кожууннарның школаларының чемненир черлери чаа үениң тускайжыттынган дериг-херекселдери-биле дериттинип турар.