2021 чылдың декабрь 6-дан 11-ге чедир Бай-Тайга кожууннуң шупту өөредилге албан черлеринге Хертек Амырбитовна Анчимаа-Токаның төрүттүнгенинден бээр 110 чылдаанынга тураскааткан «Анчимаа-Тока Хертек Амырбитовна – делегейниң төөгүзүнче кирген ТАР-ның Парламент Баштыңы турган бир дугаар херээжен кижи» деп тематиктиг кичээлдер эртип турар.

А ол ышкаш кожууннуң шупту школаларынга база немелде өөредилге албан черлеринге Х.А. Анчимаа-Токаның «Эрткен оруктарым» деп номнарының делгелгелери болгаш библиотека кичээлдери эртер.

Декабрь 10-да Бай-Тайга кожууннуң Кызыл-Даг школазының баазазынга «Хертек Амырбитовна Анчимаа-Тока – тыва болгаш совет күрүне ажылдакчы» деп өөреникчилерниң I муниципалдыг эртем-практиктиг конференциязы болуп эртер.
База декабрь 15-те Кызыл-Даг ортумак школазының доштуг чуңгузунга Х.А. Анчимаа-Токаның 110 чылдаанынга тураскааткан өөреникчилер аразынга бөмбүктүг хоккей болур.

Онзалап демдеглеп каар чүүл – Бай-Тайга кожууннуң Кызыл-Даг школазы Хертек Амырбитовна Анчимаа-Токаның адын эдилеп турар.

#минобразованиятыва #тнр100лет