Сүзүглелдиг, ыдык, бедик Бай-Тайгага
Сүзүк-йөрээл чүрек-ханда сиңген-не боор:
Төрээн черин, төрел чонун кадагалаар
Төлептигниң төлептии боор буян чолдуг.

“Арга чонум кандыг чор?” деп сагыш човап,
Арбан, кодан, суму чедир сурагланыр.
Оожум, топтуг, кичээнгейлиг, негелделиг
Олут орбас, идегелдиг – ЧОННУҢ ОГЛУ!

Хүлээнгени улуг иште бүргедипкен,
Күзел-соруу – төрээн ТЫВА сайзыралы,
Саргыяк дег кырлаң ажыр кода, хоорай,
Саян-Таңды ээлей чурттаан көвей чону...

Өскелерге үлегерлиг турум, быжыг,
Өргүн чонун өөртүп чоруур Даргавыстың
Шиитпирлиг үзел-бодал, күзелдери
Чигзиниг чок боттанып-ла турар болзун!

Дөмек-өмек бүгү Тыва чону-биле
Төөгүлүг – төрүттүнген хүнүңерде
Өлчей- кежик, чедиишкинни, кадыкшылды
Өг-бүлеңерге өөрүшкүнү күзеп тур бис!

Ханы хүндүткел-биле,
Тыва Республиканың Өөредилге яамызының Күрүнениң бюджеттиг эртем чери НШХИ-ниң коллективи.

24.12.2021 ч.
Чурукту ажык интернет четкизинден алган