Тывада 2021 чылда «Өөредилге» Национал төлевилелдиң боттандырылгазының иштинде Кызылдың 5 дугаар школазынга бир дугаар Школа Кванториуму ажыттынып, бодунуң лабораториязының ажылын эгелээн. Ында 2000 ажыг уруг хаара туттунуп, амгы шагның сан-чурагайлыг лабораториязын ажыглап, бойдус-эртем болгаш техниктиг хевирлериниң эртемнерин өөренир аргалыг.

Школа Кванториуму дээрге, өөредилге организацияларында бойдус-эртем, математика, информатика база технология угланыышкынныг өөренир чаа хевир.

Бистиң амгы үеде уруглар бойдус-эртем мергежилдериниң ат-алдарын бедидери-биле холбашкан бодунуң эртем-техниктиг сонуургалын сайзырадып боттандырарынче улуг чүткүлдүг. Ынчангаш 2022 чылда Кызылдың 3 дугаар школазынга база бир Школа Кванториуму тыптып келир. Аңаа «Обществознание болгаш естествознание», «Естественные науки», «Математика болгаш информатика», «Естестественнонаучные предметы», «Технология» адырларының эртемнери турар. Шак ол эртемнер оолдар болгаш уругларга эртем делегейинче «шымнып» кирип, боттарының билиглериниң деңнелин база шынарын бедидип ап болур.

Тыва Республиканың өөредилге сайыды Алексей Храмцов: «Бойдус-эртем кичээлдери дыка солун болгаш сонуурганчыг. Бо хүнде амгы үениң школачылары чүгле номнар ажыглап, эртемче «шымнып» кирер эвес, а амгы үениң технологиялары-биле база ажыглап болур. Лабораторияларда кичээлдер чүгле тодаргай бойдус-эртем болгаш техниктиг эртемнерниң аайы-биле билиглер алырынче угланган эвес, а чалыы эртемденнерниң база чогаадыкчыларның тодаргай шынарларын болгаш чогаадыкчы салымын сайзырадыры болур».

#минобразованиятыва #нацпроекты #кванториумтыва #образованиевприоритете