Февраль 9-та шупту 9-ку класстың доозукчулары түңнел кады чугаалажыышкынны (улаштыр – собеседование) эртер. Түңнел собеседование талазы-биле зачет күрүнениң түңнел аттестациязынче кирери болур. Кол эртер хуусаазында 5329 доозукчу 9-ку классчылар киржир, оларның 1080 киржикчизи кадыының байдалы-биле кызыгаарлыг.

Хемчег шупту чогуур ужурлуг ТР-ниң талазы-биле Росхереглелхайгааралының санитарлыг нормаларын шыңгыы сагыыры-биле база Тыва Республиканың Баштыңының 2022 чылдың январь 17-де Айтыышкыны езугаар чаа коронавирустуг халдавырлыг аарыгны таратпазын болдурбазы-биле болур.

Январь 22-де республиканың девискээринге белеткел сорулгалыг түңнел собеседованиениң апробациязы болуп эрткен. Апробация организастыг айтырыгларны үе-шаанда илередип база 9-ку класстарга орус дыл талазы-биле түңнел собеседованиени организастыг эрттиреринге белеткелди, а ол ышкаш күрүнениң түңнел аттестациязынга кирер кылдыр түңнел собеседованиени эрттиреринге белеткел талазы-биле хемчеглерни боттандырар технологтуг болгаш информастыг шиитпирлерни берип турар.

Түңнел собеседование дээш багай түңнелдиг («незачет») алган таварылгада, ук өөредилге чылында катап база түңнел собеседованиени дужаап болур, чүгле ийиден хөй эвес база чүгле немелде хуусаада – март 9-та база май 16-да.

#минобразованиятыва #выпускник2022 #итоговоесобеседование #гиа #егэ #огэ