Орук шимчээшкининиң дүрүмнерин практиктиг кичээлдерге шиңгээдип алыры чиик. Ону Шагонар хоорайның 1 дугаар школазының өөреникчилери херек кырында бүзүрээннер.

Ооң мурнунда хүн школага «Айыыл чок чорук лабораториязы» («Лаборатория безопасности») деп мобильдиг комплекс четкен. ОШАЧКИ ажылдакчылары болгаш лабораторияның специалистери мобильдиг автохоорайжыгаштың дузазы-биле уругларны орукка айыыл чок чоруктуң дүрүмнери-биле таныштырган. А ол ышкаш уруглар пассажир, чадаг-тергечи болгаш чадаг кижи ролюнга болуп шенээннер.

«Терге канчаар дериттингенил, кандыг камгалал херекселдерин ажыглап болурул, орук шимчээшкининиң өске киржикчилериниң аразынга канчаар бодун алдынарыл дээн бистиң айтырыгларывыска уруглар сонуургал болгаш белени-биле харыылап турдулар» – деп, Уругларның орук-транспорт кемдээшкининге удур хемчеглерниң регионалдыг курлавыр төвүнүң удуртукучузу Чингис Сарым-оол демдеглээн.

Уруглар ол ышкаш терге мунарда, айыыл чок кылдыр чадаг-тергежилерниң кедер «тускай камгалал херекселдерин» практика кырынга кедип хемчээп көргеннер. База бичии уруглар креслозунуң макединиң дузазы-биле айыыл чок чоруктуң бааның база уругларның быжыглал херекселиниң ажыы кайы хире дээрзин көргүскен. А сфетофорнуң макединге оруктуң эртер кезээнге айыыл чок кежериниң дүрүмнериниң дугайында чугаалап берген.

Уругларның онза сонуургалын орук шимчээшкининиң македи хаара туткан. Каш-ла бир-ийи шак иштинде 150 ажыг өөреникчи орук шимчээшкининиң дүрүмнериниң дугайында чаа билиглер-биле чепсегленген.

Тываның «Айыыл чок чорук лабораториязының» мобильдиг комплекизи уругларның часкы дыштанылгазының үезинде республиканың школаларынга үнүүшкүннүг кичээлдерни эрттирип турар дээрзин сагындыраалыңар. Лаборатория Сарыг-Септиң 2 дугаар школазынга четкен, база график езугаар Хову-Аксы биле Каа-Хем суурларның школаларынче баар.

Региональный ресурсный центр ПДДТТ РТ

#минобразованиятыва #культурныеканикулы #лабораториябезопасности #пдд #весенниеканикулы