“Азия төвү” скульптурлуг комплекизинге, Енисей хемниң эриинге чараш болгаш кайгамчыктыг кежээ эрткен - Кызыл хоорайның школаларының доозукчуларының кежээзи.

Байырлыг кежээ хоорайның лицейлер болгаш школаларының байырлыг чыскаалындан эгелээн. Аңаа Россия Федерациязының сенатору Дина Оюн болгаш регионнуң өөредилге сайыды Алексей Храмцов киришкен.

Доозукчулар кежээзинге Дина Оюн байыр чедирип, башкы кижиниң ажыл-чорудулгазында чедиишкиннерлиг, школаның хөй-ниити чуртталгазынга активчи киржип турар башкыларга болгаш ада-иелерге хүндүлел бижиктерни тыпсып ажыткан.

Тыва Республикада ЕГЭ-лер түңнелдери-биле алырга, орус дыл болгаш химия эртемнеринде эң-не бедик 100 балл алган 5 доозукчу илереттинген.
Өөредилге сайыды Алексей Храмцов уругларга, ада-иелерге база башкыларга уттундурбас белектер биле хүндүлел бижиктерни база өөрүп четтириишкин бижиктерин байыр чедирип тывыскан.

“Царская охота” деп скульптурлуг комплекске өөрүшкүлүг болгаш эки хөөннүг доозукчулар, чараш кыстар болгаш оолдар, доозукчуларның чараш вальс танцы-самын, бүгү назынында уттундурбас кылдыр танцылаан.

Школаның эртем-билиин чедип, холга аттестаттарын алган доозукчуларывыска аас-кежикти болгаш чедиишкиннерни күзедивис!