Республиканың немелде өөредилге сайзырадыр төптүң комплекстиг айыыл чок чорук килдизиниң ажылдакчылары найысылалдың Енисей хемниң эриин дургаар «Сугга айыыл чок чорук» деп инфоромастыг-профилактиктиг акцияны чорудуп турар. Ук хемчегни чайгы дыштанылга үезинде уругларның айыыл чок чоруун хандырары-биле база хайгаарал чок чорукту болдурбазы-биле эрттирип турар. А ол ышкаш акцияны кылымал хөөлбектерге улуг улус биле бичии уругларның айыыл чок эштип дыштанырының дүрүмнерин сагыыры-биле чорудуп турар.

Акцияның иштинде улуг кижилерниң хайгааралы чокка хем эриинге турган 150 ажыг назы четпээн уруг хаара туттунган. Оларга төптүң ажылдакчылары информастыг-сайгарылга ажылын чорудуп, хем кыдыынга айыыл чок чорук дугайында медээлерлиг буклеттерни үлевишаан, тайылбырны кылган.

Акцияның киржикчилери улуг улуска суг черлерге айыыл чок чоруктуң дугайында дүрүмнерни, уругларны доктаамал хайгааралга тударын база хайгаарар чокка суг черлер чанынче чоргуспас дугайында, а ол ышкаш янзы-бүрү онза байдалдар үезинде бирги эмчи дузазын чедирериниң дугайында сагындырган.

#минобразованиятыва #Лето_2022_Тува_безопасная_территория_детства #Безопасность_на_воде #Айыылчокчай