«Өөредилге» национал төлевилелдиң хемчеглериниң боттандырылгазы-биле тускай бадылаан демдек - брендбук езугаар чүгле школаларны амгы шагның дериг-херекселдери-биле дериири көрдүнген эвес, а харын-даа «Өзүлде черлери» («Точка роста») төптерин, «Санныг өөредилге хүрээлели» («Цифровая образовательная среда») класстарын, «Школа Кванториуму» уругларның технопарыгын тургузары база көрдүнген.

Тывада 2022 чылда «Өөредилге» национал төлевилел иштинде «Амгы школа» («Современная школа») деп федералдыг төлевилел-биле 3404 уругга 24 «Өзүлде черлери» («Точка роста») төвү, 43 «Санныг өөредилге хүрээлели» («Цифровая образовательная среда») кабинеди база 5000 ажыг өөреникчиге «Школа Кванториуму» ажыттынар.

Шак бо национал төлевилел-биле ажыттынып турар объектилерде кабинеттерниң белеткелинге чогуур деткимче кылдыр «Школа системазының өөредилгезиниң чаартылгазы» деп федералдыг программа езугаар республиканың 26 школазында капитал септелге чоруттунуп турар.

Ынчангаш Кара-Хаак биле Баян-Кол школаларында бадылаан брендбук езугаар кабинеттерни белеткеп турар. Ол ышкаш Кызылдың 8 база 17 дугаар школаларында ук кабинеттерни ажыдарынга ажылдар чоруттунуп турар. А ол ышкаш Кызылдың №3 школазында «Школа Кванториуму» деп уруглар технопарыгының класстарын белеткеп турар.

2021 чылда Кызылдың № 5 гимназиязының баазазында бир дугаар «Школа Кванториуму» уругларның технопарыгы ажыттынган дээрзин сагындыраалыңар.

 «Бис 2022 чылда школаларывысты амгы шагның дериг-херекселдери-биле дериирин уламчылап турар бис. А ооң бертинде, таарымчалыг болгаш айыыл чок байдалды тургузары-биле шупту күжүвүстү салып турар бис, чурттуң Президентизиниң саналы езугаар республиканың школаларында капитал септелгелерни чорудуп турар. Башкыларывыс, ылаңгыя суур черлерде, санныг өөредилге хүрээлелин долузу-биле ажыглап, уругларны практиктиг кичээлдерже (лабораторлуг шенелделер, дуржулгалар болгаш төлевилел ажыл-чорудулга) хаара тудуп, билиг бээр ужурлуг» – деп, Тыва Республиканың өөредилге сайыды Алексей Храмцов демдеглээн.

#минобразованиятыва #национальныепроекты #образованиевприоритете #современнаяшкола #точкароста #цос #капремонтышкол #доипосле #былостало