Сентябрь 20-де Тюмень хоорайга бүдүн чурттуң тергин башкылары киржир Бүгү российжи башкы мергежилиниң «Чылдың башкызы» деп конкурузу эгелээр. Тываны регионалдыг чаданың тулган тиилекчизи - Чеди-Хөл кожууннуң Хову-Аксы школазының эге класстар башкызы Наталья Ооржак бараалгадыр.

Наталья Ооржак: «Мээң хүлээлгем - башкы болуру. Башкы болуру дээрге-ле, уругларга ынак, олар-биле бодуңнуң билииң-биле, амыдыралдың арга-дуржулгазы болгаш сагыш-сеткилдиң чылыы-биле үлежири-дир. Оларның магадаан көрүштерин көөрү база оларның чедиишкиннеринге өөрүүрү. База олардан өөренири чугаажок».

Наталья Леонидовнага чедиишкинни күзеп каалыңар!

#минобразованиятыва #учительгода2022 #конкурспрофмастерства