Бо хүннерде чурттуң школалар болгаш техникумнарында «Разговоры о важном» деп чаа төлевилел эгелээн. Россия Федерациязының Чырыдыышкын яамызының саналдааны темалары өөреникчи бүрүзүнге онза чугула. Ук темалар өөреникчиниң хууда кижи кылдыр сайзыраарынче, а ол ышкаш патриотчу болгаш хамааты кижизидилгезин, өзүп орар салгалдың төөгүлүг чырыдыышкынының сайзырадырынче угланган.

Бир дугаар класстан дашкаар кичээлдер «Билиглер хүнүнде» болуп эрткен. 1-ден 4 класстарга «Биске билиглер чүге херегил» («Зачем нам нужны знания») деп темага кичээлдер эрткен. Өөреникчилер Билиглер хүнүн байырлаарының төөгүзү-биле база кижи төрелгетенниң төөгүзүнүң дургузунда кижилерниң чамдык чугула ажыдыышкыннары-биле танышкан.

5-9 класстарның өөреникчилеринге «Россия – аргалар чурту» («Россия – страна возможностей») деп президентиниң платформазының төлевилелиниң дугайында чугаалап берип, үе-чергези уругларның платформаның төлевилелдеринде, мөөрейлеринде болгаш олимпиадаларында киржип турарының дугайында бодалдары-биле үлешкен кыска өөредиглиг фильмни бараалгаткан.

А техникумнарның студентилеринге бир дугаар тема кылдыр «Бис – Россия. Аргалар – келир үе» («Мы-Россия. Возможности-будущее») болган.