Тывада Россия Федерациязының «Өөредилге хөгжүлдези» деп күрүне программазының боттанылгазының иштинде школа назыны четпээн өөредилге албан черлери туттунуп турар: Каа-Хем суурда 120, Чаданада 60, Ак-Довурак хоорайда 60 база Каа-Хем кожуунда Эржей суурда 60 олуттуг уруглар ясли-садтары.

Тыва Республика ук объектилерниң тудугларын доозары-биле Россияның Чырыдыышкын яамызынче немелде акшаландырыышкын чагыын киирген турган, ол ышкаш регионнуң Баштыңының ажылчын ужуражылгаларының түңнелинде, Россия Федерациязының Чазааның курлавыр фондузундан 272,4 млн. рубль хемчээлдиг немелде саң-хөө акша-хөреңгизин аңгылап бээр талазы-биле дугуржулга чедип алдынган.

Чогуур айтыышкынны Россия Федерациязының Чазааның Даргазы Михаил Мишустин ат салган.

#минобразованиятыва #детскиесады #поддержка #доу_рт #строительство