Кызылдың №3 школазында регионнуң «Школа Кванториуму» бодунуң эжиин уругларга ажыткан. Эрткен өөредилге чылында Кызылдың №5 гимназияның баазазынга бир дугаар «Школа Кванториуму» ажыттынып, 2000 муң ажыг уругга өөредилге чылының дургузунда шинчилел болгаш төлевилел ажыл-чорудулгазын эрттирип турган. Бо бүгү «Амгы үениң школазы» федералдыг төлевилелдиң «Өөредилге» национал төлевилелдиң боттанылгазының ачызында аргалыг болган.

Хоорай школаларында ук төптерниң ажыттынып турары өөредилге албан чериниң материал-техниктиг баазазын чаартыр тергиин арга болуп турар, ол ышкаш ниити өөредилгениң ужурун делгемчидери база немелде ниити билиг программазын боттандырары. «Школа Кванториумунуң» ажылының эгелээни-биле, башкылар биле өөреникчилерге бойдус-эртем бөлүүнүң эртемнериниң талазы-биле теориялыг билиглерни практика кырында быжыглаар арганы берип турар, ол дээрге санныг лабораторияны ажыглап тургаш, чылыг, электри дамчыдар, кислоталыын база өске бүдүмелдерниң бот-шынарын, күш-шыдал чорудуунуң моделин тургузары азы клеткаларның аңгыланганын микроскоп адаанга топтап көөр химия, физика, биология эртемнери-дир. А «Технология» адырының эртем аайы-биле тергиин лаборатория хандыртынган. Аңаа уруглар робототехника, 3D-принтерлер-биле, лазер болгаш фрезерлиг станоктарга ажылдаар талазы-биле арга-мергежилди алыр.

 Алексей Храмцов, ТР-ниң өөредилге сайыды: «Амгы шагның дериг-херексели, санныг лабораториялар-биле дериттинген ук төптүң ажыдыышкыны биске Тываның Кадык камгалал яамызы-биле кады амыдыралга боттандырар база медицина колледжизинде чергелештир өөренип турарларга класс тургузарынче угланган «Школа+техникум» деп төлевилелди боттандырар онза арганы бээр. Өөөреникчилер дээш өөрүп тур мен, а ол дээрге, бойдус-эртем бөлүүнүң эртемнериниң аайы-биле практиктиг эртем алыр 3000 ажыг оолдар, уруглар-дыр».

#минобразованиятыва #современнаяшкола #образованиевприоритете #школьныйкванториум #нацпроект #национальныепроекты