Тываның Өөредилге яамызы «Школаже чыгдынарынга дузалаш!» деп чылдың-на болуп турар ачы-дуза акциязы түңнелдерин үндүрген. Ук акцияның сорулгазы – хөй ажы-төлдүг болгаш чединмес өг-бүлелерден ажы-төлге чаа өөредилге чылынга белеткел кылдыр чугула херек өөредилге херекселдери болгаш идик-хеп-биле дуза көргүзери.

Ведомствонуң демдеглеп турары-биле, акцияның иштинде ачы-дуза деткимчезиниң чыылдазын организастаан үеде хуу сайгарлыкчыларга, организациялар удуртукчуларынга база хууда кижилерге уругларга дуза чедирериниң дугайында кыйгы салырга, шупту деткип, идепкейлиг киришкен.

Шак ынчалдыр, акцияның түңнелинде, республиканың девискээринге бо чылын чаа өөредилге чылының белеткелинге дуза хереглеп турган хөй санныг уругларны хаара туткан. Ниитизи-биле ачы-дуза деткимчемзин 1260 уругга көргүскен.

Акцияның түңнелин үндүрүп тура, Тыва Республиканың Өөредилге яамызы шупту киржикчилерге, спонсорларга база хөй санныг буянныг кижилерге бо ышкаш дуза-деткимче чедирер улуг хемчегге идепкейлиг киришкени дээш, сагыш-човаачал, кээргээчел сеткили дээш өөрүп четтириишкинин илереткен. Шупту эки болгаш сагыш човаачал улуска чедиишкиннерни база чечектелиишкинни күзедивис!

#минобразованиятыва #итоги #цифрадня #помогисобратьсявшколу