Тываның тудуг техникумунда «Вместе в лето!» деп профессионал өөредилге организацияларының студентилериниң дыштанылга база күш-ажылче хаара тударынче организастаары-биле төлевилелдиң боттандырылгазының түңнелдери-биле ажылчын хурал болуп эрткен.

Хуралга республиканың техникумнарының болгаш колледжтериниң кижизидилге талазы-биле директорларның оралакчылары киришкен. Аңаа киржикчи бүрүзү боттарының албан черлеринде төлевилелдиң боттанылгазының дугайында арга-дуржулгазы-биле үлешкен.

Башкыларның демдеглеп турары-биле, төлевилелдиң ачызында студентилерниң хөй кезии, ол ышкаш профилактиктиг учетта турарларның ажылче хаара тударын база чайгы хостуг үезин организастаар аргалыг болган.

Төлевилелдиң эң-не идепкейлиг киржикчилер санынче Тываның политехниктиг техникуму, Тываның даг-техниктиг техникуму, Кызылдың экономика болгаш эрге-хоойлу техникуму, Ак-Довурактың даг техникуму, Тываның политехниктиг техникумунуң филиалы, Олимпийжи курлавырлар училищези база Тываның көдээ ажыл-агый техникуму кирип турар. Активчи ортумак профессионал өөредилге албан черлеринге Тываның Өөредилге яамызы хүндүлел бижиктерни тывыскан.

#минобразованиятыва #вместевлето #итогипроекта #спо_рт