Россияда Ада хүнүн октябрьның үш дугаар улуг-хүнүнде демдеглеп турар. Ук хүнге чогуур Айтыышкынга Россияның Президентизи 2021 чылда атты салган. Ынчангаш бо чылын российжи адалар бодунуң албан-езузу-биле хүнүн октябрь 16-да демдеглээр.

Республиканың школаларында, техникумнарында база колледжтеринде чаа өөредилге неделязы чаңчыл болган «Разговоры о важном» деп федералдыг төлевилелдиң «Ада хүнү» деп темага класстан дашкаар кичээли-биле эгелээр.

Башкылар «Адазының ады – «ада» деп сөстен» деп темага кичээлдерниң янзы-бүрү хевирлерин белеткээн. Бичии класстарның уруглары чуруттунуп, а улуг класстарның өөреникчилери биле студентилер интерактивтиг даалгаларны эрткен, ооң-биле чергелештир олар шупту кижиниң амыдыралында ада кижиниң ролюн сайгарып чугаалашкан.

Кичээлдер «Адалар эвилелиниң» удуртукчуларының киржилгези-биле эрткен. Чалаткан аалчылар байырлалдың, ооң төөгүзүнүң, аданың болгаш камгалакчының хууда шынарларының дугайында чугаалап бергеннер, а уруглар боттарының адаларының дугайында чугаалар-биле үлешкен.

#минобразованиятыва #деньотца #разговорыоважном #спо_рт #советотцов