Тываның агротехнология техникумунда Каа-Хем кожууннуң чагырга чериниң база «Каа-Хемский» МУБ-туң төлевир чокка берген тараа болбаазырадыр «Мельник-400 люкс» деп кыстырыкчы дээрбени катап тургускан.

Техникумнуң башкыларының, бүдүрүлге өөредилгезиниң мастерлериниң, электриктериниң, токарьларының ачызында дээрбе агрегадын ажылчын байдалче киирип, студентилерге практика кырынга тарааны болбаазырадыр арганы берген.

Чижээлээрге, бүдүрүп алган далгандан амданныг, чаагай хлебти быжырган! Ам тараа болбаазырадылгазын болгаш хлеб-булочка кылыгларының мини бүдүрүлгезин Сарыг-Сеп суурда агротехнология техникумунуң баазында тургустунуп ажыттынган «Мельница» биче инновациялыг бүдүрүлге ажылдап кылыр.

Тываның техникумнарында биче инновациялыг бүдүрүлгелеринде чаа өөредилге чылының эгезинде экономика адырының херек кырында организацияның бодунуң бүдүрүлгезинде өөренип турарларның  практиктиг арга-мергежилин шиңгээдип алырын хандырары тургустунуп эгелээн.

Техникумнуң коллективинге болгаш студентилеринге чаа чедиишкиннерни болгаш экини күзедивис!

#минобразованиятыва #спо_рт #открытиемип #малыеинвестиционныепредприятия