Тожу кожууннуң Адыр-Кежиг суурунуң «Радуга» уруглар садының коллективи боттарының тудуп алганы чаа чем кылыр блогун бараалгадып таныштырган.

Уруглар садының чем блогу санитарлыг дүрүмнерге дүүштүр аңгы черге турар ужурлуг. Шак ынчалдыр, уруглар садының найыралдыг коллективи боттарының күжү-биле санитарлыг нормалар болгаш негелделерге тааржыр аңгы улуг, делгем чем кылыр бажыңны тудуп алган.

Өөредилге албан черинде ол ышкаш изиг-соок суг хандырылгазын база шупту бөлүктеринде чылыг арыгланыр черлерни тургускан.

Уруглар садының коллективиниң чаагай сеткилдиг күш-ажылын кожууннуң удуртулгазы демдеглеп, кожууннуң өөредилге сайзыралы болгаш айыыл чок, таарымчалыг байдалдарны уругларга хандырары – оларның кол сорулгазы дээрзин демдеглээн.

#минобразованиятыва #тоджинскийкожуун #доу_рт #детскиесады