Кызылдың профессионал өөредилге организацияларының студентилери Н.Крупская аттыг хоорай библиотеказынга «Тыва чаңчылдар таварыштыр кадыкшылче литературлуг-фольклорлуг аян-чорук»/«Литературно-фольклорное путешествие к здоровью через тувинские традиции» деп хемчегге киришкен.

Студентилерге ооң мурнунда кадыкшылының дугайында канчаар сагыш човап турганын, кижилерниң канчаар чемненип база кадыкшылы дээш янзы-бүрү үелерде чүнү ажыглап турганын чугаалап сонуургаткан. Ол ышкаш студентилерге таакпылаары база спирттиг арага аймаан ажыглааны дээш кеземчениң кандыг хевирлери турганын таныштырган. Лекция төнчүзүнде студентилер чугаалажып, боттарының билиин хынап база библиотекада тургузуп каан делгелгени көрген.

Хемчегни Тыва Республиканың Өөредилге яамызы библиотеканың ажылдакчылары-биле база Тыва Республика талазы-биле ИХЯ-ның Наркотиктер садып саарары дээш хыналда талазы-биле эргелел-биле катай организастаан. Хемчег октябрь 17-ден 28-ке чедир болуп турар «Өлүмнү кайда садып турарын, дыңнат!»/«Сообщи, где торгуют смертью» деп ниити российжи акцияның 2 дугаар чадазының иштинде эртип турар.

Ниитизи-биле хоорайның 9 профессионал өөредилге организациязының студентилери киришкен.

#минобразованиятыва #профилактика #сообщигдеторгуютсмертью #спо_рт