Бүгү российжи ада-ие билиглиг неделя иштинде уругларны кижизидери-биле хүлээп алган өг-бүлереге моральдыг, психологтуг база юридиктиг дуза кадар сорулгалыг Тываның Өөредилге яамызының харагалзал болгаш ажаал-тежээлде килдизи “Сайзырал” Республиканың психологтуг-медиктиг-социал үделге төвү-биле катай мергежил бедидер курсту организастаан.

Өг-бүлелерниң мурнунга ТР-ниң өөредилге сайыдының оралакчызы Людмила Ооржак үнүп, республиканың харагалзал болгаш ажаал-тежээлде талазы-биле чоруттунуп турар ажыл-чорудулганың дугайында чугаалап берген. А “Сайзырал” төптүң педагог-психологтары Анна Сванес, Ульяна Монгуш база Анастасия Чебодаева психологтуг тренингти эрттирген.

Өөредилге үезинде уруг азырап ап турар өг-бүлелер чүгле юридиктиг айтырыглар талазы-биле консультацияларны алган эвес, а харын-даа эмоционалдыг дыштанып, сагыжында уругларның психологтуг кемдээшкиннерин база канчаар боттарын азырап ап турар ада-ие кылдыр курлавырда артып калырын сагындырган. Уруг азырап ап турар өг-бүлелерге өөредилге доктаамал болур.

Бодунуң өг-бүлезинче өскүс артып калган уругну база ада-иезиниң ажаал-тежээлде чок арткан уругну хүлээп алыры – белен эвес күш-ажыл, ынчалзажок буянныг. Азырап алган уругларны азырап ап турар өг-бүлелер эмоционалдыг өжүп болурунга сундулуг. Чүге дизе азырап алган уруглар азырап ап турар өг-бүлеже чедимчелиг эвес дуржулгалыг кээп турар, хаая эвес улуг улустуң талазындан каржы-дошкун аажылаашкынны чурттап эрткен болур.

#Всероссийскаянеделя #опекатыва #Родительскаякомпетентость #Минобразованиятыва #Сайзырал