Улусчу чогаадылга бажыңынга Чоннуң чаңгыс эп-сеткил хүнүнге тураскааткан байырлалга Кызылдың уруглар садтарының аразынга болуп эрткен «Найырал» Национал культуралар фестивалының Гала-концертинге тергиин көргүзүглерниң тиилекчилерин шаңнаан.

«Найырал» фестивалы дээрге, дылга, хөгжүмге, оюнга хүндүткелди кижизидип турар болгаш улустарга аңгы-аңгы нацияның база чоннарның, оларның культуразынга сонуургалды оттуруп турар патриотизм байырлалы-дыр.

Уруглар садтарының кижизиттирикчилери боттарының көргүзүглеринге аңгы-аңгы нацияларның төлээлериниң: тыва, орус, казах, армян, татар, башкир, грузин, хакас, якут, чечен чоннарның культуразын танцы-сам болгаш шүлүктер-биле көргүскен.

Фестивальдың түңнелдери-биле дараазында шаңналдарны тывыскан:

I чергениң лауреадының дипломун № 21 уруглар садының чаштарынга тывыскан.

II чергениң лауреадының дипломун № 1 «Золотой ключик» уруглар садының чаштары алган.

III чергениң лауреадының дипломун № 5 «Рябинка» уруглар садының кижизиттирикчилери төлептиг болган.

· I чергениң дипломун - №22 «Солнышко» биле №19 уруглар садтары алган.
· II чергениң дипломун - № 29 биле №18 «Алые паруса» уруглар садтары алган.
· III чергениң дипломун - № 3 биле №17 «Салгал» уругнлар садтары алган.

Гран-приниң абсолюттуг тиилекчи болган атты №15 «Страна детства» уруглар садының бичии чаштары чаалап алган.

Дараазында чылын фестивальды регионалдыг деңнелге эрттирерин планнап турар.

#минобразованиятыва #детскиесады #департаментКызыла #фестиваль