«Сириус.Курсы» платформага болуп эрткен алды эртем аайы-биле Бүгү Россияның школачылар олимпиадазының школа чадазының түңнелдерин үндүрген. Шенелделерге Тываның 11 248 школачызы, а чурттуң ниитизи-биле 4,7 млн. школачызы киришкен.

Эң-не хөй масштабтыг тур математика болган. Аңаа 4390 ажыг кижи киришкен. Ийи дугаарында – биология. Аңаа Тывадан 1900 школачы коштунуп киришкен. Физикада даалгаларны 1524 өөреникчи күүсеткен, а астрономияны 873 уруг бүдүн республикадан киришкен.

Олимпиаданың киржикчилеринге 4−11 класстарның өөреникчилери кирген.

Олимпиаданың техниктиг платформазы кылдыр эрткен чылдарда албан-езузу-биле деткээни «Сириус.Курсы» системазынга болган.

Олимпиаданың дараазында чадазы – муниципалдыг. Ол декабрь айга чедир уламчылаар. Күзелдиглер шупту «Сириус.Курсы» системада эртем аайы-биле аңгы-аңгы эртемнерге киирттинген лекцияларга киржип болур.

Бүгү Россияның школачылар олимпиадазы – чурттуң эң-не улуг олимпиадазы. Ол дөрт чадалыг: школа, муниципалдыг, регионалдыг база түңнел. Школа чадазы киржикчи бүрүзүнге чедиишкиннеринден аңгыда, бодун олимпиада шимчээшкининге шенеп, база сонуургааны адырны шилип алыр аргалыг болур.

Олимпиаданың соонда школачылар даалгаларның сөзүглелдери болгаш оларның видеосайгарылгалары-биле таныжар аргалыг болган. Ол бүгү, а ол ышкаш методиктиг материалдар, “дорт эфирлер” база өске ажыктыг материалдар siriusolymp.ru сайтыда болгаш социал четкилерде үнген.

#минобразованиятыва #анонсы #сириустыва